जेठी मधुद्वारा यसरी गर्नुहोस् विभिन्न रोगको उपचार
काठमाडौँ । जेठी मधु औषधिको वैज्ञानिक नाम ग्लीसीर्रहीजा ग्लाब्र (Glycyrrhiza glabra) भन्दछन् । जेठी मधु मानव स्वास्थ्यका लागि महत्वपूर्ण औषधि मानिएको छ । यो जडिबुटी गाउँघरमा पाइने भएकाले हामीले यसको प्रयोग बारे जान्न आवश्यक छ । आज मैले यो औषधिको फाइदा बारेमा प्रकाश पार्ने जमर्को गर्दैछु ।
१. मुख सुख्खा भएमा
मुलेठीको गुण चिसो हुने भएकाले मुख सुख्खा भएमा राम्रो काम गर्दछ । जेठीमधुको टुक्रालाई मुखमा राखेर चुस्दा गुलियो हुने हुनाले र यसमा पानीको मात्रा हुनाले तुरुन्त फाइदा देखिन्छ ।
२. स्वर सुकेमा
जेठीमधुलाई चुस्नाले स्वर खुल्दछ । गायक कलाकारहरूको लागि यो महत्वपूर्ण औषधि मानिएको छ । यो औषधि निल्ने होइन केवल चुस्ने मात्र हो ।
३. खोकी लाग्दा
जेठीमधुले कफ काट्ने भएकाले खोकी लाग्दा यस्लाई चुस्ने गर्नुपर्छ राम्रो फाइदा हुन्छ । यो जडिबुटी ड्राइकफको लागि राम्रो औषधि मानिएको छ । खोकीलाई चाडो निको गराउन जेठी मधुसंग कालो मरिचसंगै चुस्नाले राम्रो फाइदा गर्दछ ।
४. पेटको अल्सरमा
पेटका अल्सरका रोगीलाई ठीक गर्नमा जेठीमधु रामबाण औषधि मानिएको छ । जेठी मधुको चुर्णको सेवनले अल्सर निको हुन्छ ।
५. उल्टी हुने भएमा
उल्टी हुने भएमापनि जेठीमधु चुस्ने गर्नाले फाइदा हुन्छ ।
६. मुख भित्रको घाउमा
जेठीमधु चुस्ने वा पेस्ट लगाउने गरेमा राम्रो फाइदा गर्दछ ।
