जापानले दिएको अष्ट्राजेनेकाको थप २ लाख कोरोना खोप नेपाल आइपुग्यो
काठमाडौँ । जापानबाट २ लाख ८ हजार ७०० डोज एस्ट्राजेनेका कोरोना खोप नेपाल आइपुगेको छ । जापान सरकारले अनुदानमा नेपाललाई दिएको १६ लाख खोपमध्येकै उक्त शनिबार बिहान काठमाडौँ आइपुगेको होे ।
स्वास्थ्य राज्यमन्त्री उमेश श्रेष्ठका अनुसार कतार एयरलाइन्सबाट खोप आएको हो । उनका अनुसार यसअघि अस्ट्राजेनेकाको पहिलो खोप लगाएर पखाइमा रहेका ६५ वर्षमाथिकालाई यो खोप लगाइनेछ ।
यो खोप प्रदेश १ र २ का ६५ वर्षमाथिका जेष्ठ नागरिकलाई लगाइनेछ । यसअघि पनि जापानबाट ८ लाख ४७ हजार ३२० डोज खोप नेपाल आएको थियो । बाँकी खोप भने सोमबारसम्ममा नेपाल आइपुग्ने जनाइएको छ ।
यसअघि साउन २३ र २४ मा गरी ९ लाख मात्रा खोप प्राप्त आइसकेको छ । जापानले को-भ्याक्स कार्यक्रममार्फत नेपाललाई उक्त खोप दिएको हो । जापान सरकारले १६ लाख १४ हजार ७४० मात्रा खोप नेपाललाई दिने बताएको छ ।
जापान सरकारको सौजन्यमा प्राप्त हुने १६,१४,७४० मात्रा अष्ट्राजेनेका खोपमध्ये २,०८,७०० मात्रा खोप आज प्राप्त भएको छ । यसअघि साउन २३ र २४ मा गरी ९ लाख मात्रा खोप प्राप्त भैसकेको छ । बाँकी खोप आइतबार र सोमबार प्राप्त हुनेछ । https://t.co/slE1KXE4xQ pic.twitter.com/IR8Gv0CP3u
— Umesh Shrestha (@umesh_1956) August 21, 2021
